Tabbas akwai tarin abubuwa wadanda ba a yi idan aka je interview ta neman aiki, ga wasu daga ciki na tsakuro mana don mu kula da su:

  1. Da zaran ka shiga wajen kada ka nuna halin manyanta ko ‘karanta, kada ka nuna kamar kana neman a taimake ka a dauke ka aikin nan; haka nan kada ka nuna ka fi karfin wurin
  2. Idan ka shiga wajen da ake zama don jira, kada ka saka wayarka a caji ko kuma ka rinka yin surutu
  3. Ko da ka ga wadanda ka sani kada ka bige da surutu da su
  4. Idan an kawo maka abinci ko abin sha, kada ka ci kuma kada ka sha
  5. Kada ka ci wani abu a wajen, misali sweat, chewing gum, ko goro ko makamancin haka
  6. A lokacin da kake zaune zaman jira kada ka rinka danne-danne a waya
  7. A lokacin da kake zaune zaman jira kada ka rinka kalle-kalle, ko da kallon TV ne kada ka yi. Zai fi kyau a wannan yanayi ka rinka karanta wani littafi na musamman
  8. A lokacin da ake maka interview kada ka soki wata masana’antar da ka yi aiki a baya, ko gwamnati, ko wani daban; kada ka soki kowa
  9. Idan an nuna ba za a dauke ka aikin ba kada ka nuna bacin ranka, duk da haka ka yi godiya
  10. Kada ka yi karya a CV dinka, wato kada ka saka wani experience ko skill wanda ba ka da shi, ka tabbatar duk abun da yake cikin CV dinka da kuma wanda za ka fada gaskiya ne
  11. Idan an kira ka office din interview kada ka zauna har sai an ce ka zauna
  12. Kada ka yi dressing wanda bai dace ba
  13. Kada ka yi amfani da kalmomin da ba su dace ba, musamman sukar wani ko tabarbarewar kasa, ko matsalar wani yanki ko wani abu makamancin haka
  14. Kada ka yi latti a lokacin da a ka ce a je, wato kada ka yi African Time, sannan kada ka je da wuri sosai. Misali, idan aka ce 9:00am ne, to ka shiga wajen 9:03am
  15. Kada ka amsa waya ko kuma ka rinka yawan duba lokaci. Ka tabbatar ka saka wayarka a silence
  16. Kada ka nuna kana cikin damuwa ko kuma kana matukar bukatar aikin
  17. A lokacin da kake zaune kada ka yi zaman da ake kira “crossing legs”
  18. Kada ka nuna ba ka san komai game da ma’aikatar da ka ke neman aiki ba, ka tabbatar ka samu general knowledge kafin ka je
  19. Ka fada musu specific aikin da za ka yi a kamfanin idan sun bukaci jin haka, ka fada musu irin kokarin da za ka yi, amma kada ka fadi abun da ba za ka iya ba
  20. Kada ka yi takama da qualifications dinka
  21. Kada ka je interview ba ka da copies din documents dinka, ka tattara su ka tafi da su a cikin envelope

Ina fatan hakan zai taimaka

Daga Muhammad Auwal Ahmad, CEO Flowdiary

Ku yi sharing wasu ma su amfana.

2 thoughts on “ABUBUWA 21 WADANDA BA A YI A WAJEN INTERVIEW”

Leave a Reply

Your email address will not be published. Required fields are marked *